Përshkrimi i Pozitës:
ROI Academy po kërkon profesionistë me më shumë se 4 vite përvojë në fushën e tyre për të ndarë njohuritë dhe për të krijuar trajnime praktike dhe të standardizuara për studentët tanë në Kosovë, Shqipëri dhe Maqedoninë e Veriut. Kjo është një mundësi unike për të ndikuar në formimin profesional të brezit të ri dhe për të qenë pjesë e një platforme që promovon arsimin praktik dhe inovativ.
Përgjegjësitë Kryesore:
- Krijimi i përmbajtjes së trajnimeve në fushën tuaj të ekspertizës (strukturë, mësime, ushtrime dhe materiale mbështetëse).
- Mbajtja e trajnimeve fizike ose online sipas orareve të dakorduara me ROI Academy.
- Krijimi i moduleve interaktive dhe materialeve multimediale për trajnime online.
- Adaptimi i materialeve në përputhje me nevojat e nivelit bazë dhe/ose të avancuar.
- Vlerësimi dhe mentorimi i pjesëmarrësve gjatë gjithë periudhës së trajnimit.
- Bashkëpunim me ekipin e akademisë për zhvillimin dhe përmirësimin e vazhdueshëm të programeve mësimore.
Kriteret e Kërkuara:
- Minimumi 4 vite përvojë pune në fushën përkatëse.
- Aftësi të dëshmuara në prezantim, komunikim dhe mentorim.
- Eksperiencë në përgatitjen e materialeve edukative është përparësi.
- Pasion për mësimdhënie dhe zhvillim të talenteve të reja.
- Fleksibilitet për të punuar me grupe të ndryshme dhe për të adaptuar stilin e mësimdhënies sipas nevojave të studentëve.
Fushat e trajnimeve duhet të propozohen nga aplikanti
Çfarë përfitoni ju si trajner/e:
- Mundësi për të ndarë njohuritë dhe për të ndikuar drejtpërdrejt në zhvillimin e të rinjve.
- Rritje e njohjes dhe reputacionit profesional në industrinë tuaj.
- Pjesëmarrje në rrjete profesionale dhe ngjarje që organizohen nga ROI Academy.
- Eksperiencë në krijimin dhe prezantimin e kurseve moderne, të aplikueshme edhe në tregjet ndërkombëtare.
Çfarë ofron ROI Academy:
- Platformë e strukturuar për krijimin dhe publikimin e trajnimeve.
- Mbështetje teknike dhe logjistike gjatë gjithë procesit.
- Mundësi për angazhim afatgjatë dhe bashkëpunim në projekte të reja.
- Kompensim financiar të drejtë dhe me mundësi rritjeje.